مصر كلها بتتكلم عن فرح ابن سعد الصغير بسبب اللقطات اللي حصلت فيه والتجمع الكبير لنجوم الفن والغناء
حفل زفاف محمد ابن الفنان سعد الصغير قلب الدنيا وعمل ضجة كبيرة على السوشيال ميديا، بعد ما انتشرت صور وفيديوهات من أجواء الاحتفال اللي اتعمل وسط حضور واسع من الأهل والأصدقاء ونخبة كبيرة من نجوم الفن والإعلام اللي حرصوا إنهم يقفوا جنب سعد الصغير ويشاركوه فرحته بابنه.
الحفل شهد حضور مميز لنجوم الصف الأول في الوسط الفني، وكان من أبرز الحضور الفنان حسن الرداد، والمنتج الكبير أحمد السبكي، والفنان ماجد المصري، والمطرب الشعبى محمود الليثي، والدكتور أشرف زكي نقيب المهن التمثيلية، والمطرب الشعبي عبدالباسط حمودة، والفنانة ريم البارودي، والمطرب أحمد شيبة، ومصطفى أبوسريع، ده غير باقة من أصدقاء العريس ووالده اللي خلوا الجو كله بهجة وفرحة.
اللافت في الموضوع هو ظهور سعد الصغير وهو في حالة شديدة من التأثر والسعادة، والحرص الواضح منه على إنه يلتقط صور تذكارية مع ابنه وعروسته طوال السهرة.
والأكتر من كده إن سعد حب يخلي ذكرى أمه الراحلة حاضرة معاه في الليلة دي، فعلّق صورتها جوه قاعة الاحتفال في لفتة إنسانية مؤثرة جداً بينت مدى تعلقه بيها وحرصه على إنها تكون معاه بروحتها في أهم يوم في حياة ابنه.
عن المؤلف
